Black Immigrant Daily News
The content originally appeared on:
DiarioSegun splicacion di Harms e fondo di San Benny tabata tin anemia
*San Benny tabata tin su amigonan ora su “budget tabata low”
“Placa di devotonan di San Mike di Penthouse y San Benny di Tereno
ORANJESTAD(AAN)—Na 2009 e momento grandi den su bida a yega. San Mike di Penthouse a gana eleccion cu e promesa cu e lo baha BBO y crea un economia di Cinco strea.
San Mike di Penthouse a traha su propio fiesta dorna cu placa di belasting di Pueblo cu e lo a uza como arma. Mitar BBO y tur hende a stima Mike.
Parlamento cu mayoria grandi di AVP tabata tin un amor asina grandi pa San Mike di Penthouse, cu a entrega Mike y su Back to Back Benny, e suma di 1.6 Biyon pa nan gasta sin ningun control y manera nan tabata kier.
Na 2014, San Mike di Penthouse a dicidi cu e ta presenta su comedia di Muri Morto di hamber den Fort Zoutman, rondona pa hende cu no por a mira cu San Mike di Penthouse tabata e enfermo mihor cuida na Aruba.
Hulanda a pone un fin na e show barata di San Mike di Penthouse, mientras Aruba no tabata sa, cu den Oficina di Gobierno a drenta un araña cu a uni tur family and friends di e partido den un cas, caminda nan tur por a fiesta y hinca nan cabez den santo mescos cu avestruz.
Awe fiesta di placa ta wordo presenta den Corte hunto cu nomber di Family and Friends, cu ta admiti di a entrega placa y mas placa na San Benny di Terreno y San Mike di Penthouse como devoto di e dos politiconan.
E Huez Hulandes cu a costumbra cu clima friu, ta haci e preguntanan cu Pueblo di Aruba no por a haci na e grupo di Family and Friends di San Benny di Tereno den Corte.
Por sinti e sabor di placa cu tanto hende cu hamber na Aruba ta desea di mira riba mesa, mientras Harms a pone lagrima brota for di wowo di e Arubiano cu su storia cuanto placa a bay pa San Benny di Tereno, cu, sinembargo a keda cu mas debe pa paga y despues di eleccion a haya mas placa.
Harms tabata un bon amigo pa San Benny di Tereno ora “budget di Benny tabata low”.
Benny y AVP tabata tin mas amigo, cu tabata amigo di Mike tambe pasobra aparentemente den AVP tur hende stima otro.
San Benny di Tereno asina tabata tin asistencia di su friend Sussebeek cu no tabata bay oficina pero tabata traha na telefon. Huez a haci remarke, pero aparentemente e Huez Hulandes no a comprende cu den calor hopi milager ta socede ora friends stima otro.
Sussebeek no tabata traha e 40 ora pa siman pa cual tabata paga su persona pero hasta tabata cobra toelage pa telefon y gasolin.
Aunke Benny a bisa cu Sussebeek tabata manera su ruman, e no tabata sa cu Sussebeek a pidi tereno,
E inocencia di San Mike di Penthouse y di San Benny di Tereno ta bolbe bini dilanti. San Mike di Penthouse y San Benny di Tereno no tabata mira nada malo den terenonan cu tabata bay pa Family and Friends.
Tin hopi cos cu pober San Benny di Tereno no tabata sa. E tabata sa cu Lowenstein tabata su sponsor, pero e no sa cu cuanto placa.
Algo poco fastioso pero atrobe ta topa cu ta Amigo/Ruman. Benny y Lowenstein, cu tabata biaha hopi rond mundo, tabata sali hopi hunto y “have dinner”.
Lowenstein tambe lo a pone placa den fondo di eleccion di Benny y a paga fiesta pa e yiu di Benny.
Un mundo di amor, sentimento profundo pa e otro no keda sin placa den eleccion, a wordo presenta den e caso emocional di San Benny di Tereno, su family and friends, cu ta friends tambe di San Mike di Penthouse, e simbolo di Family and Friends cu Pueblo ta yama partido politico pero lo tin lazonan emocional cu lo por pone hende yora.
NewsAmericasNow.com
