Black Immigrant Daily News

ORANJESTAD (AAN): Awe Diahuebs for di 4:00 pm te cu 7:00 pm, lo tuma lugar dilanti sede di Fundacion Rancho, un actividad cu nan lo yama ‘Marshe Rancho’. 

Un actividad di musica, cuminda, actividad di walking tours, y tambe booth di diferente instancia pa duna informacion.

   Un di esnan cu ta participa ta Centro CEDEHM, cu ta ‘Centro pa Desaroyo di Hende Muher’.  E motibo pakico CEDEHM a uni cu e actividad di Marshe Rancho ta simple.

  Jahaira Valdez, kende ta coordinadora di proyecto pa CEDEHM, a splica cu tur a cuminza riba 8 di Maart 2022, cu tabata e Dia Internacional di Hende Muher.  E fecha ey, CEDEHM hunto cu otro organizacionnan manera Centro di Bario y Deporte Dakota, y Fundacion HIAS a tene un exitoso Feria cu a carga e nomber ‘Creando y Inspirando’.  E dia ey nan tabatin mas cu 30 hende muher cu a bishita, y trece y presenta nan productonan cu nan ta crea y distribui, y e dia ey nan a inspira hopi hende mas cu a bishita e mercado.

   Mirando e concepto di Marshe Rancho, CEDEHM ta vislumbra un biaha mas di crea y brinda e espacio na nos hende muhernan pa showcase un biaha mas nan producto y creacionnan, y inspiracionnan, y kizas un dia nan lo por bira negoshinan potencial riba e isla.

   CEDEHM ta kere y para tras di desaroyo di e hende muher, y pesey a join Marshe Rancho y ta spera cu publico lo sa di asisti masalmente awe.

NewsAmericasNow.com