Black Immigrant Daily News

Nan ta wordo acusa di duna informacion y viola regla di trabao di Polis

ORANJESTAD (AAN): Diahuebs mainta e agentenan di Polis, G.D. y E.d.M. a presenta den Corte pa e caso penal cu Ministerio Publico a cuminsa contra nan. Na Juni 2021 e caso a keda pospone riba peticion di abogado pa laga scucha testigo.

            Tur e tempo a pasa y awor a sigui cu e caso. Fiscal ta haya tanto d.M. como D. culpable di a duna informacion secreto di Polis y a viola reglanan di Polis. El a exigi 9 luna di prison pa cada un. Abogadonan mr. Illes y mr. Arendsz Marchena a cuestiona e forma con ta persigui e dos agentenan aki, siendo cu nan no a haci nada contra reglanan di trabao y mucho menos duna informacion di Polis na otro persona.

 ACUSACIONNAN

            Un Fiscal di Curacao a bin Aruba pa trata e caso aki. El a acusa d.M. y D. di malversacion entre April 2018 y November 2018. Tambe Fiscal ta acusa e duo cu riba 12 Augustus 2018 a duna informacion di Polis na e dama T. y cu a viola reglanan di Polis. Segun Fiscal, e duo lo a duna informacion di traficacion di droga y unda esakinan tabata na e dama T. Tambe di lo a haya placa for di e dama T. pa suministra informacion. Fiscal ta haya cu d.M. y D. a abusa di nan posicion como Polis. Tratamento di e caso a dura di mainta te den oranan di merdia.

            Hues a mustra cu e caso ta bay tocante contactnan cu d.M. tabatin cu e dama T. via cellular. Ta asina cu ta sospecha e dama T. di ta meti den dos caso di traficacion di droga. 7 April 2018, Guarda Costa a intercepta e boto El Original cu droga y bala cayente. 11 April 2018, e dama T. ta presenta na oficina di Recherche (UGC) caminda el a pidi pa papia cu e agente B. Door cu B. no tabata tey, d.M. cu ta sinta den e mesun oficina a bay atende.

AGENTENAN DISGUSTA

D. a bisa Hues cu e ta desapunta cu maneho di Fiscal y Cuerpo Policial pa e forma con atende cu Toppenberg. Haya cu a usa Toppenberg pa soluciona caso. E otro agente d.M. ta haya cu e ta inocente y cu ningun di e acusacionnan no ta berdad.

            E agente d. M. a splica Hues cu na dado momento autoridad a perde pista di T. E ora ey e agente D. a bin cu e idea pa busca un carchi di cellular y hinca den un cellular cu tin na oficina. Ta asina cu na Augustus 2018 a busca carchi pa hinca den un cellular pasobra T. a yama d.M. y puntra di e ta wordo busca y pakico tin autonan ta vigil’e.  E agente d.M. a bisa T. cu e no ta wordo busca y pa manda potret di e autonan. El a duna e number di e cellular. A constata cu e number cu T. tabata usa ta di Colombia. A resulta cu e enberdad e potretnan ta di auto cu e unidad di vigilancia ta usa. Segun d.M., T. a informa di diferente traficacion cu lo mester a tuma lugar y nan a informa e departamentonan concerni.

            A resulta cu e cellular cu d M. a usa, ta procedente di un secuestro di un persona caminda e cellular a wordo horta. Pero no tin ningun informacion riba esaki.

Ta asina cu actualmente d.M. ta trahando na un otro departamento di Polis y D. tambe. 

EXIGENCIA FISCAL

            Fiscal ta haya legalmente proba cu d.M. y D. ta culpable di a malversa e cellular cu ta di Cuerpo Policial, a pasa informacion na T. y tabata usa T. como informante. Esakinan ta contra reglanan di trabao. El a exigi 9 luna di prison pa ambos, di cual 3 luna ta condicional cu un tempo di prueba di 2 aña. 

ABOGADO

            Abogadonan mr. Illes di D. y mr. Arendsz Marchena di d. M., a cuestiona e forma con ta persigui nan clientenan siendo cu nan tabata haciendo un tremendo trabao. Nan a mustra cu e Fiscal cu a traha un raport contra e duo, despues ta elogia e duo y a bisa cu e ta duna cu realmente nan a wordo cumpra sino mas bien tabata busca pa saca informacion di T. E abogadonan ta haya cu nan cliente ta inocente y cu Hues mester declara nan liber.

            Hues a bisa cu e ta bay studia e caso y dentro di algun siman lo por spera sentencia.

NewsAmericasNow.com

Black Immigrant Daily News

ORANJESTAD (AAN): Diasabra 10 di September, Ling and Sons Food Market ta introduci e concepto di Hendrickx the baker na su Panaderia.

Ling & Sons a renoba y expande e panaderia cu e productonan sublime y di un miho calidad di Hendrickx the baker of de bakker manera ta conoci na Europa.

            Bin celebra e apertura cu Ling & Sons Diasabra 10 di September 2022. Entre 10AM y 2PM na e Panaderia na unda meesterbakker hendrickx lo ta presente pa introduci tur locual cu Ling & Sons tin pa brinda e pueblo di Aruba.

            Lo tin diferente tasting y tambe clientenan por participa pa gana un bakery package regalo cu nan compras na e Panaderia di Ling & Sons den e weekend aki. Lo tin tambe hopi oferta special na e Panaderia ariba pan y cosnan bolonan vlaai masha dushi mes!

            Hendrickx ta un concepto nobo y unico na Aruba, na unda e meesterbakker hendrickx hunto cu su team di panaderonan, a integra diferente receta for di Hulanda, Belgica y Francia hunto y asina a crea un surtido exclusivo di pan y cos dushi, na unda diversidad y calidad ta na prome luga.

            E Productonan di Hendrickx ta bin di e miho recetanan autentico, 100% natural y artisanal di Europa, traha cu e mihor ingredientenan (sour dough), sostenibel y horna na un manera unico.

            Hendrickx ta conoci pa trece productonan di calidad halto y cu un sabor extraordinario.  Awo Ling & Sons lo introduci e liña di pan y cosnan  dushi di Hendrickx na su panaderia renoba, dunando asina na e famianan di Aruba  e miho calidad di pan.

            Aruba henter ta invita pa bishita Ling & Sons Food Market su panaderia nobo na unda calidad y servicio ta semper na prome luga.

NewsAmericasNow.com

Black Immigrant Daily News

NewsAmericasNow.com

Black Immigrant Daily News

Tekst en beeld Audry Wajwakana PARAMARIBO — Tien dagen is niet voldoende om een land als Suriname goed te leren

NewsAmericasNow.com