Black Immigrant Daily News
The content originally appeared on:
Diario‘Plan di Impuesto 2023’ pa un sistema fiscal mas simpel y husto
ORANJESTAD (AAN): Den fin di siman, Minister Maduro di Finansa a anuncia e ‘Plan di Impuesto 2023’ cu tin como meta pa yega na un sistema fiscal mas simpel y husto.
DIARIO a compronde cu e plan ta encera e recuperacion di Aruba su finansa publico por medio di compensacion, reparticion husto y mehoracion di cumplimento di impuesto di ciudadano y bishitante. Mas concreto e ‘Plan di Impuesto 2023’ lo conta cu introduccion di un tarifa nobo di BBO cu ta resulta den un tarifa combina di BBO, BAVP y BAZV di 7%, hunto cu un pakete di compensacion pa individual y negoshi pa yuda mitiga e efectonan di inflacion.
E pakete di compensacion individual ta conta cu un rebaho di 2% riba impuesto di entrada, lo subi e suma liber di impuesto na 30.000 mil Florin, lo separa e cobransa di impuesto riba entrada pa pensionado y lo hisa e ‘reparatietoeslag’ pa pensionado di SVb cu 45 Florin.
Tur esaki lo yuda baha e peso di impuesto riba esnan mas vulnerabel den comunidad, cual ta nos grandinan y esnan cu ta ricibi un salario cu ta menos di 2500 Florin pa luna. Pa negoshi lo reduci e ‘winstbelasting’ di 25 pa 22% y lo mantene e ‘investeringsaftrek.’
Nos bishitantenan lo conoce un subida di e ‘toeristenheffing’ y lo reparti e fondonan aki na un manera mas husto entre ATA, Gobierno y e fondo di TPEF cu ta pa mehora nos producto turistico. E plan ta conta tambe cu algun cambio pa asina mehora e cumplimento cu e deber fiscal na nos Pais. Durante full e siman venidero e mandatario lo brinda informacion riba e contenido concreto di e ‘Plan di Impuesto 2023’ cu ta drenta na vigor 1 di januari 2023.
NewsAmericasNow.com
