Ley di Contabilidad mester proteha Aruba!

Black Immigrant Daily News

Prueba cu Hulanda mes no tabata na fabor di PPS pa Hulanda — *Autoridad mester dicidi si mal gobernacion ta castigabel! — *Pakico Hulanda no a actua cu 1.6 Miyon pafor di su control?

ORANJESTAD (AAN) — Awe Aruba mundialmente ta den noticia atrobe.

Aruba ta wordo presenta como un republica di banana, caminda un comision di supervision introduci dor di Reino, cu mester dicidi pa Aruba y hasta pa e Gobierno cu ta dirigi Aruba.

Pa cuminsa mester bisa, cu e ley cu ta regla posible intervencion di Hulanda na Aruba, pa nos ta importante sigur si mira kico a pasa na Aruba mes.

Loke si nos no por comprende ta, kico ta resultado di intervencion di Reino cu na 2014 a bati na porta di Aruba, pasobra Reino a yega na e conclusion cu Gobierno Mike Eman a actua contra bienestar financiero di Aruba.

Nos mester ta sincero.

Un persona no mester ta experto, pa e dicidi cu loke Mike Eman a haci cu situacion financiero di Aruba, no tin palabra.

Con un hende, cu a studia pa bira Notario, por a hinca den su cabes cu e ta hinca e pais den un debe grandi pa futuro dor di corta entrada di e pais y na mes momento ta dicidi cu e ta uza 1.6 Biyon di e pais pa cantidad di proyecto cu te awe no a wordo investiga?

Na 2009 Mike Eman a asumi poder cu dos pakete cu ningun tata di famia ta pone hunto pa evita cu nan famia ta muri di hamber.

Mike Eman a corta entrada di Aruba. Loke BBO tabata produci pa Aruba a baha cu mitar.

Esaki ta nifica cu Aruba mester a cuminsa haci debe. Aruba tabata tin menos entrada, menos placa cu tabata drenta su caha y cu lo a bira menos na momento cu Mike lo a deshaci di BBO, sin pone nada na su lugar na 2010.

Asina leu no a yega pasobra Mike y su partido mes a mira cu e no por a deshaci di mas entrada di Aruba, aunke esaki lo a sigura mas voto pa su partido.

Na 2010 Mike mes a mustra cu e hecho cu el a baha BBO cu mita no a alcansa e proposito desea, pues a faya.

Reino no a haci nada mientras na mes momento cu menos placa tabata drenta caha di Aruba, Mike a lansa e proyectonan PPS, cu Aruba mester a paga den futuro.

Kico esaki ta nifica?

Mike a deshaci di mitar di entrada di BBO, cu ta placa cu Aruba pues no a ricibi mas pa cumpli cu su debernan y na mes momento a introduci pa futuro un debe, cu e mes no tabata conoce.

Con esaki por ta posibel? Con por ta posibel cu na 2018 e rapport “Bo Aruba” ta splica con Mike Eman a viola ley di contabilidad y nada a pasa?

Pakico Reino no a actua na 2010 ora Mike Eman a baha entrada di Aruba y hinca den mas debe cu e pais tabata tin y na mes momento hinca futuro di Aruba den un debe, cu ni Hulanda por a controla?

Si Hulanda no tabata sa nada di PPP tambe yama PPS, nos lo por a comprende. Pero manera ta e caso, nos ta busca tur informacion cu nos por haya pa scondi cu nan por ta.

Hulanda tabata conoci cu PPS. Un representante di Parlamento di e partido CDA a haci Gobierno Hulandes di e tempo e pregunta, pakico Gobierno di Hulanda ainda tabata tin miedo di proyectonan PPS.

Pues un miembro di Parlamento Hulandes a cuestiona pakico Gobierno di Hulanda no tabata hinca mas placa den e minimo di proyecto PPS cu Hulanda a acepta te na e momento?

Tin consehonan fuerte cu na Aruba a wordo introduci dor di sector Arubano contra PPS cu te awe ta un misterio pa Pueblo y uno di e motibonan cu Aruba mester bati nas porta di Hulanda.

Mike mes a sigui su rumbo. El a keda for di bista di Pueblo durante un tempo pa ora Covid-19 a bati na porta, bolbe haci su entrada y hasta bolbe na poder.

Pakico tin Ley di Contabilidad cu ta dicidi con mester gasta placa di Pueblo? Pakico un empresa priva lo a tuma pasonan necesario pero placa di Pueblo si por wordo abusa?

A bira tempo pa e Ley di Contabilidad haya contenido. Pasobra awe Aruba atrobe ta den problema pasobra for di 2014 Hulanda a interveni, aunke lat, y a baha Mike Eman for di Fort Zoutman.

Awe Aruba no conoce automia real, pero ta den noticia negativo continuamente pasobra Ley di Contabilidad ta palabra riba papel aparentemente y abuso di placa ni sikiera ta wordo investiga manera democracia ta exigi!

Rapport Bo Aruba, ta papia palabra cla!

NewsAmericasNow.com