Tur pashent inscribi cerca docter Corina Rolfast ta wordo pasa automaticamente pa docter Percey Lasten

Black Immigrant Daily News

ORANJESTAD (AAN): E contracto entre docter Corina Rolfast y OE AZV ta termina. AZV a gradici docter Corina Rolfast pa e servicio cu el a brinda aseguradonan.

Entrante 1 di september 2022

Entrante 1 di september 2022 un traspaso automatico ta bay tuma luga. Tur pashent inscribi cerca docter Corina Rolfast ta wordo pasa automaticamente pa e docter di cas nobo, esta docter  Percey Lasten. Servicio medico ta continua via e mesun adres y number di telefon, esta Santa Cruz 52, number di telefon 5822222.

   Pa esnan cu tin e AZV app, lo wak e cambio aki den e Menu →bo dunadonan di cuido. Si bo no tin e AZV app ainda, nan ta invita bo pa download esaki y registra pa bo digi-ZorgPas.

Docter di cas nobo

Docter Percey Lasten ta un docter naci na Hulanda pero cu a biba varios aña na Aruba. El a studia medicina general na Radboud Universiteit Nijmegen y despues a specialisa pa docter di cas na Maastricht. Cu hopi experiencia y pasion, docter Percey Lasten ta cla pa yuda su pashentnan. Ta di menciona cu docter Percey Lasten ta domina bon e idiomanan Hulandes, Papiamento, Ingles y hasta razonablemente bon Spaño.

NewsAmericasNow.com