Aruba ta e pais anfitrion pa e ‘German-Caribbean Energy Conference’ pa di 5 aña consecutivo

Black Immigrant Daily News

Minister Glenbert Croes

ORANJESTAD (AAN):  Pais Aruba un biaha mas ta ser selecta pa ta e pais anfitrion pa e conferencia anual “German-Caribbean Energy Conference”.  Minister Glenbert Croes a splica cu pa 5 aña bou Minister President como Minister di Energia, a bin cu e iniciativa pa crea un Camara di Comercio di Hulanda y Alemania pa atrae empresanan Aleman den e sector energetico, ingenieria y tecnologia moderno pa organisa conferencianan na Aruba tur aña. Esaki cu e meta pa sondea posibilidadnan pa companianan Aleman inverti na Aruba yudando e isla desaroya e sector energetico y tecnologia cu nan capacidad

            Minister Croes a expresa di ta sumamente agradecido cu Aruba a wordo selecciona un biaha mas pa ta anfitrion di e conferencia aki y pa e interes grandi cu e companianan aki tin pa no solamente haci negoshi cu Aruba sino tambe na Aruba cu un contexto y vision regional. E posibilidad cu Aruba lo por bira e “hub” den Caribe pa e companianan Aleman lo ta di gran beneficio pa e comunidad di Aruba.

            Durante nan estadia, Minister Croes tabata tin e posibilidad di reuni cu nan, gradici nan y alabes pidi nan apoyo pa yuda Aruba desaroya e sectornan energetico nobo. Un ehempel ta hydrogen na unda e compania Aleman por inverti y converti pais Aruba den e “hub” hydrogeno pa ful e hemisferio.

            “Mi ta sumamente entusiasma riba e posibilidad di un cooperacion entre Alemania y Aruba, mirando cu e relacion aki lo produci hopi beneficio pa ambos pais.” Minister Croes a expresa.

NewsAmericasNow.com