Prome Minister Evelyn Wever-Croes contento cu awor Aruba tin un shelter pa hende homber

Black Immigrant Daily News

Parti di proyecto Refugio Social

ORANJESTAD (AAN): Recientemente a tuma luga un ocasion hopi special. Prome Minister tabatin e honor pa efectua e traspaso di yabi di e proyecto “Refugio Social”. Ta trata di un proyecto cu a worde financia door di fondonan cu Hulanda a pone disponibel den cuadro di crisis di Venezuela.

   Prome Minister ta gradici e organizacionnan Bureau Rampenbestrijding, Fundacion Refugio Social y CEDE Aruba pa a coordina e proyecto aki. Particularmente CEDE Aruba cu a aplica pa e fondonan.

   Premier Wever-Croes a splica cu Fundacion Refugio Social ta encarga cu e necesidad cu lo prefera cu no tin mester di dje na Aruba. Sinembargo circumstancianan a demostra cu e necesidad tey. Consecuentemente, a percura pa por brinda na hende hombernan cu tin e necesidad, un dak riba nan cabes. Aruba ya tin shelter pa hende muhe y awor tin shelter pa hende homber tambe. CEDE Aruba cu a maneha e proceso  di fondo di e proyecto, a informa cu siguientemente lo busca fondo pa e decoracion ‘inrichting’ di e shelter.

   Prome Minister a termina deseando Fundacion Refugio Social hopi exito cu e trabao cu tin y ta gradici tur organizacion envolvi cu a haci esaki e shelter pa hende homber un realidad.

NewsAmericasNow.com