Diabierna awor e show di Na Drempel di Fin di Aña ta cuminsa

Black Immigrant Daily News

ORANJESTAD (AAN): E siman aki, DIARIO a bin tuma nota cu e show di temporada di fin di aña di mas famoso, esta ‘Na Drempel di Fin di Aña’ ta bay cuminza Diabierna awor.

   Tur hende ta sperando sonido di e holoshinan cu ta cana, pa cuminza e temporada cu ta trece mas Paz, Amor y Alegria den curason di pueblo.  Un show cu a cuminza desde 1988, pues awor ta cumpli 34 aña consecutivo den aire.

   “Ta manera e programa tin su toke magico cu’ne, mi ta sigur cu ta e consistencia pa cual nos a dedica tanto aña na esaki ta un di e secretonan di e gran exito”, e productor y animador Erin Croes a comenta na DIARIO.

   Un show di radio cu ta wordo goza den ambiente di famia.  Cu seccion special manera “Arubanita” cu e conocido colaborador di DIARIO, Addonsito Croes, ken ta docente di geografia y geschiedenis na Filomena College MAVO, y mucho mas.

   Riba esaki Erin Croes a indica: “Nos ta sumamente contento y honra pa e cariño y apoyo ricibi e ultimo decadanan, pasobra ja ta bay 35 aña otro aña y mi ta sigur cu nos a sa di contribui grandemente na engrandece y stimula e temporada mas bunita, yena cu e bon sentimentonan di hermandad den nos comunidad.

   El a finaliza bisando: “E idea ta pa semper nos contagia nos isla cu e spirito positivo di e temporada cu ta trece mas compasion, cordialidad y amor entre sernan humano y esaki ta algo realmente magico”.  E programa ta start Diabierna awor via Magic 96.5 FM.

NewsAmericasNow.com