Pesos Colombiano a mishi cu e maximo historico di 4.958 riba Diabierna

Black Immigrant Daily News

BOGOTA: Dollar un biaha mas a mishi un nivel historico na Colombia.

  Riba Diabierna el a habri pa 8:00 am cu cambio di 4.930 Pesos, y banda di 8:03 am, el a subi y yega e historico maximo di 4.958,90 Pesos.

   Segun analistanan, e devaluacion di Pesos Colombiano ta bin cu 92% pa motibo di factornan externo, y solamente 8% debi na gobierno nobo di Gustavo Petro.

   E menaza di recesion na 2023, cu e subida di tasanan rond mundo y e volatilidad di prijs di petroleo, ta influenciando economia mundial.  Mientras cu e nivel interno ta sigui afecta e incertidumbre riba e futuro di exploracion y explotacion petrolero, y esey ta algo cu Ministro Jose Antonio Ocampo di Colombia a admiti tambe.

  Pues por mira, cu Dollar cada rato ta yegando mas y mas cerca di 5.000 Pesos Colombiano.

NewsAmericasNow.com