Reunion importante pa tur pensionado cu ta ricibi pensioen di SVB Curaçao

Black Immigrant Daily News

ORANJESTAD (AAN): Un yamada ta bay na tur pensionado cu ta ricibi pensioen di SVB Curaçao.

E reunion aki ta tuma lugar diamars venidero 8 di november 4or di atardi na oficina di OPPA. Hunto cu abogado mr. P.Mohammed lo trata e punto di e recorte di 10% riba e pensioen y e gratificacion di bonus di Pasco cu SVB Curaçao a kita unilateral y inhustamente for di pensionadonan cu ta biba na Aruba.

   Ta e intencion pa entama un caso contra SVB Curaçao riba e recorte inhusto aki.

   Na maart 2021 un grupo di pensionado biba na Bonaire a entama un caso, a hana rason y SVB Curaçao mester a debolbe e pensionado loke a kita inhustamente. A base di e sentencia aki kier logra e mesun cos pa e pensionado cu ta biba na Aruba y cu ta ricibi pensioen di hende grandi for di SVB Curaçao.

Ta pidi pa bini cu bo number di registracion di SVB y un of otro forma di identificacion.    Bini uno bini tur na e reunion importante aki, riba Diamars 8 november 4’or oficina di OPPA, situa na Primavera.

NewsAmericasNow.com