Bureau City Inspector ta haci un yamada pa uza lona ora di transporta desperdicio

Black Immigrant Daily News

Ta prohibi pa camindanan publico di un of otro manera wordo susha

ORANJESTAD (AAN):  Bureau City Inspector ta e departamento (banda di Cuerpo Policial) cu ta encarga cu control di desperdicio y con esaki ta wordo transporta riba caminda publico.

            Vocero di BCI sr. Robby Rosel kier a duna un splicacion ariba e transporte di desperdicio cu ta hopi den e dianan aki y cu ta laga nos camindanan hopi sushi.

 Con pa transporta desperdicio ariba caminda publico?

            Ordenansa general di polis ta indica lo siguiente:

Articulo 16; Ta prohibi pa camindanan publico di un of otro manera wordo susha.

 Articulo 17 parti B ta indica lo siguiente:

            Ta prohibi pa transporta sushi, piedra, sushi di construccion, calki, tera, mest, sas di palo, santo, mata corta , yerba, hooi , papel , shinishi , lodo , sushi of cualkier otro material, cu no sea e ta tapa adecuadamente, den un medio di transporte cu alabes ta ekipa y ta wordo usa pa esaki , cu ta evita cu e contenido por  bula of sali cay for di e medio di transporte.

E ley ta bisa:

– Caminda Publico ta encera tur caya y caminda accesibel pa publico.

– E vehiculo cu ta transporta e desperdicio pa tur medio di transporte p.e. pick-up, trailers, truck, etc.

– Tapa tur tipo di desperdicio debidamente ta ensera cu lo mester tin un lona cu ta tapa e bakinan aki.

            BCI kier a haci un yamada na henter e pueblo di Aruba pa ban mantene Aruba limpi y ban uza lona ora di transporta desperdicio.

NewsAmericasNow.com