Corte Comun di Husticia ta prome corte cu ta bay traha na manera digital den casonan di belasting

Black Immigrant Daily News

ORANJESTAD(AAN): Corte Comun di Husticia di Aruba, Corsow, St. Maarten, Boneiro, Sint Eustatius y Saba ta e prome corte den Reino Hulandes cu ta bay traha na un manera digital den casonan di belasting,

for di casonan di prome instancia te cu e procedura di casaccion cerca Hoge Raad.

Esaki ta nifica cu den e trayecto completo lo haci uso di un dossier digital.

Pa e casonan di casaccion esaki lo nifica cu Hoge Raad manera ta wordo bisa ‘cu un primi, na un manera safe por dispone di tur documento for di e parti Caribense di Reino, cu ta necesario pa e procedura di casaccion.

Esaki ta haci e proceso bira hopi mas rapido y eficiente.

E cantidad di caso cu ta bay den casaccion a aumenta y antes e dossiernan tabata wordo manda pa Hulanda via e minister Plenipotenciario cu post diplomatico.

Esey tabata tuma bastante tempo, mescos cu completacion di e dossier.

Awor e digitalizacion ta bay trece un cambio significante den esaki.

NewsAmericasNow.com