Avestruz lo por bira ehempel di ley versus corupcion

Black Immigrant Daily News

Cera porta pa corupcion tabata palabra cla di Huez durante eleccion

*Te awe  silencio den e caso di AVP y formularionan di eleccion

*Test case con corupcion por kibra  derecho igual di tur ciudadano 

ORANJESTAD(AAN)—“Ainda sorpresanan grandi por presenta riba e caminda di Avestruz, cu ta wordo sospecha di por entrega prueba con politica por reemplasa e cuadro di Ley di Aruba cu actonan ilegal”.

Aruba cu un siman nobo a drenta e ultimo siman prome cu den sala di Corte di Husticia, un caso cu lo marca historia politico y hudicial di Aruba, lo haya su inicio.

“Ora papia di e peso grandi cu casonan di corupcion politico ta nifica pa un comunidad, hopi biaha ta dificil pa duna prueba con destructivo un caso di corupcion ta pa comunidad,” ta palabranan cu ta wordo expresa dor di un experto riba tereno legal cu kende DIARIO a papia riba e caso criminal den cual Benny Sevinger ta sospechoso principal.

E caso di Benny Sevinger ta bira un test case con corupcion por kibra e base di democracia, cu ta nifica cu tur ciudadano tin derecho igual.

“Kico haya tereno ta nifica pa un ciudadano comun y coriente cu kier traha su cas of cu mester di sosten pa e por cuminsa cu su negoshi?”

Manera ta bini dilanti, e entrega di un tereno cu ta propiedad di Aruba na un persona den huur of erfpacht ta nifica, cu ta haci posibel pa e persona por traha su propio vivienda of por cuminsa su mes negoshi.

Ora entrega un tereno na un compania cu ta contribui na expansion di economia na Aruba, ta pasobra e ta amplia e base economico di e pais.

Na momento cu placa mester wordo pone riba mesa pa un politico cu no ta doño di tereno di Aruba, otorga un tereno, ta papia di corupcion cu ta kibra e base legal di e pais,” a wordo splica.

Informantenan ta mustra cu durante eleccion, Hueznan a mustra cu mester tene duro na e cuadro legal di democracia na Aruba pa evita cu e proceso electoral por a conduci na actonan di corupcion.

Un caso cu nunca mas a bini dilanti, tabata e hecho cu AVP a dicidi di bay Huez pa reclama e validez di votonan cu informacionnan basa riba formularionan di votacion secreto pa Ley.

Huez a nenga di acepta e loke dirigentenan di AVP bisa cu ta prueba di e forma cu a aplica regla kico ta voto valido of voto invalido, pasobra AVP a haci uzo di formularionan cu ta expresa decision secreto di e votador na urna electoral.

Huez hasta a rechasa peticion di AVP pa haya informacionan personal di votadornan pa asina evita cu presion por a wordo uza riba votadornan.

Na tur forma Huez a cera porta pa loke por bira corupcion pa Aruba durante e ultimo eleccion cu a drenta historia di Aruba, pasobra Benny Sevinger den prison, tabata riba lista di AVP cu a core un campaña special pa pidi voto pa Benny Sevinger cu a drenta Parlamento di Aruba.

Huez durante eleccion a duna prueba di e detayenan cu por habri porta pa corupcion durante e eleccion historico cu a haci cu awe Benny Sevinger por ta Miembro di Parlamento pero tambe acusado di Husticia den un caso historico.

“Cuanto hende ta envolve den un caso caminda lo a kibra e derecho igual di tur hende hancra den Constitucion y lo a comberti otorgamento di tereno den un negoshi caminda e persona cu por pone placa riba mesa politico, lo haya tereno y e pober ta keda sin tereno?”

E hecho cu investigacion a extende hasta pafor di e fronteranan di Aruba, segun informantenan ta mas alarmante den e caso cu lo marca historia na momento cu e haya su inicio otro siman.

DIARIO ta sigui acumula detayenan importante di e huicio durante cual e derecho democratico di tur ciudadano di haya e mes trato a base di Ley, a wordo viola na forma serio.

Un huicio cu por tin desaroyonan y resultadonan sorprendente segun informantenan.

NewsAmericasNow.com