Tayer pa cu duna servicio fenomenal na turistanan ta kibrando record di participante

Black Immigrant Daily News

Asociacion ATSA ta orguyoso

ORANJESTAD (AAN): Riba di 330 profesional den turismo na Aruba ta cla pa e training suministra pa Aruba Timeshare Association (ATSA).

   Presidente di ATSA, esta Luigi Heredia a indica na DIARIO cu e ta hopi “orguyoso y emociona pa e increibel cantidad di registracionnan for di 30 compania y individuonan den tur escala pa loke ta e producto turistico di Aruba – Wow! Oversold! Nos tayer cu tabata planifica pa tuma luga den 10 dia awor a crece pa 14 dia pa asina permiti mas persona pa participa.

   Miembronan di ATSA tin un apetito pa desaroyando nan team, y nos tabata conoce AHATA, AF&BA, VRPA su miembronan, y individuonan cu ta comparti e pensamento aki. Danki na tur cu a registra y ricibi confirmacion for di nos. Disculpa na e personanan cu nos a desapunta, nos ta spera cu lo por tin mas oportunidad den futuro.”

   Karolin Troubetzkoy, Chairwoman, CHTA Education Foundation ta felicita ATSA, bisando cu “the Education Foundation ta felicita e miembronan di hunta ehecutivo di ATSA kende a personalmente inverti tempo, energia y recurso pa desaroya y brinda un campaña energetico cu un bon promocion pa loke ta Caribbean Supercharged Training na Aruba. Nan inclusion di tur hende ta admirabel,  awor na caminda pa e 14 dia di training sosteni pa AHATA, esaki ta mustra. The Education Foundation ta ansioso pa yama bon bini na cada un di e 330 participante!

   E trainers di Education Foundation, Louise & Suzanne, ta contento di por ta back cu e tremendo team di conferencia na La Cabana Beach Resort & Spa. La Cabana ta sostene e iniciativa di training aki generosamente, kudos y hopi danki na nan.

   ATSA, den colaboracion cu the Education Foundation ta ofreciendo full-day workshops: (*) 5 pa Strengthened Supervisors, 2 pa Happy Housekeeping, 4 pa F&B Knowledge & Communication, y 3 pa F&B Enhanced Dining Experience tips & techniques. Cada dia ta yen. Registracion pa esaki ta cera.

   The Aruba Timeshare Association (ATSA) ta e entidad legal representando interesnan special di timeshare dentro di e isla su sector turistico.    ATSA a worde estableci na 1994, y actualmente ta conta e miembresia activo di e mayoridad di propiedadnan di timeshare na Aruba [ como tambe condominium asociacionnan co-op]. E asociacion ta traha riba un nivel local, como miembro sosteniendo AHATA, Aruba Hotel and Tourism Association, y cu otro organizacionnan local y tambe entidadnan gubernamental.

NewsAmericasNow.com